تبي التدبيلة. اقلط يالله حيه

[متهور مايتوب]

15 سنه في سوق الاسهم كل ماجمعت قرشين غذيت المحفظة ويومين وهن ملهوفات
تبي التدبيلة كل شهرين خذها
إذا قرب الشتاء بشهر اشتر تريلة برسيم الربطة ب 10 ريال وبعد شهر ونصف أضمن لك تبيعها ب 23 بشرط تحفظها عن المطر بمستودع
وإذا قرب الشتاء بشهر اشتر تريلة فحم الخيشة ب 20 ريال وبعد شهر ونصف أضمن لك تبيعها ب 60
وإذا طلع رمضان اشتر تريلة هرافي الراس ب 700 ريال وعلف وبرسيم وأيام عيد الأضحى أضمن لك تبيع الراس ب 1400 ريال
وكل بيعك جملة وأنت واقف
وهذه أمثلة فقط
غير كذا أنا أبري ذمتي من خلق الله وسلامتكم

[صقر العروبة]

بارك الله فيك وجزاك الله خير


سوق الاسهم يصلح لشخص صبور ويعرف وقت الخروج المناسب والدخول المناسب

[عش البلبل]

ممتااااااااااااز

[mustathmer]

ثلاثة ارباع الرزق في التجارة

ولكن الظروف تختلف حسب المنطقة وظروف العمل واشياء اخرى تجعل التجارة في الاسهم اقل عناءاً والتوفيق بيد الله دائما

ياما شفنا وسمعنا اناس ضاعت اموالهم في التجارة الاخرى خارج الاسهم هي توافيق ..

شكرا لك اخوي متهور


الا وش رايك بتجارة الصقور ؟؟

[FAISAL]

<>افكار حلوة والله اخوي متهور<>

[ROYAL]

الله يرزق الجميع كل حسب توجهه وتخطيطه

مشكور اخي متهور ما يتوب

[الراشدى]

بارك الله فيك

[dream]

كلن ميسر لما خلق له
جزاك الله خير

[wleed]

المشاريع الجاده والمربحه كثيره والتوفيق بيد الله .. رغم اغراء الطرح وجودة الأفكار اخوي متهور .. ربما الامراض للماشيه او سوء التخزين او المنافسه او أي شيء غير متوقع يعترض طريق النجاح لا لشيء ولكن لعدم توفر الخبره .. فهي من اساسيات التجاره أي ان تبدا بكميات صغيره حتى تتمكن من المسئله وتعرف عيوبها واخطائك .. وهي مرتبطه بالزمان (شراء وبيع) ومرتبطه بالمكان (مكان شرائها ومكان بيعها) وامان التخزين لانه علم قائم بذاته ولكن قله من يقرا عنه
والاهم المثابره فمن يفشل في بداية الطريق فهو امر من سنن الكون .. وبديهياتها وهي منصة الانطلاق نحو النجاح

[مجموعة إنسان]

مشكور يا الغلا
وبارك الله فيك
ويعطيك الله العافية
ودمت بخير

[رقيب الحوزاء]

بارك الله فيك

[ROYAL]

يعطيكم العافية

[متهور مايتوب]

اللي اشترى تريلة فحم أجزم أنه هالحين دببل مرتين
مع هالبرد اللي يشطب العظم
وإذا هو مشتري برسيم فهو دخل قائمة الهوامير
باقيله الهرافي بعد رمضان
وش قولك يابو سعود لاهنت

[mustathmer]

انا اشتريت تريلة اسهم يوم الثلاثاء وننتظر لها زباين ما تبي تبدل معي تعطيني تريلتك وتاخذ تريلتي ؟

بالنسبة للفكرة فبصراحة فكرة مجنونه ولكن مين اللي فاضي لها ..

اقول الله يوفقك هذا اللي اقدر عليه

[متهور مايتوب]

الشكوى لله أنا من مدمني الأسهم مع إن كل قريشاتي أخذوهن الشوالتيه
لكن ماتضيق إلا وتنفرج
الخميس شريت الصناعات الكهربائية بكامل ثروتيالبالغة 51 ألف
ووصل السهم النسبة فوق ثم رجع نص نسبة
وأتوقع أن يكون له صولات إذا تحسن السوق
سهم خفيف وفيه توزيع ريال وأتوقع له مستقبل
هذا رأيي الشخصي وكل شخص حر بماله
والله يرزق الجميع

[mustathmer]

الشكوى لله أنا من مدمني الأسهم مع إن كل قريشاتي أخذوهن الشوالتيه
لكن ماتضيق إلا وتنفرج
الخميس شريت الصناعات الكهربائية بكامل ثروتيالبالغة 51 ألف
ووصل السهم النسبة فوق ثم رجع نص نسبة
وأتوقع أن يكون له صولات إذا تحسن السوق
سهم خفيف وفيه توزيع ريال وأتوقع له مستقبل
هذا رأيي الشخصي وكل شخص حر بماله
والله يرزق الجميع

حتى بالاسهم اختياراتك ذكية ما شاء الله

[متهور مايتوب]

الذكاء الزائد هو اللي ينكب راعيه
الأرزاق ماتبي ذكاء تبي تبي توفيق وبس
أنا أعرف شخص لديه نوع من البلادة معه شهادة 6
خرج من قريتنا قبل 45 سنة وطقطق بالمعدات
وصار يمسك طرق والآن ثروته لا تقل عن 10 مليار
نقد فقط
الله يزيدنا وإياه من فضله
المقصود من اعتمد على ذكاء عقله وكله الله إليه

[mustathmer]

الذكاء الزائد هو اللي ينكب راعيه
الأرزاق ماتبي ذكاء تبي تبي توفيق وبس
أنا أعرف شخص لديه نوع من البلادة معه شهادة 6
خرج من قريتنا قبل 45 سنة وطقطق بالمعدات
وصار يمسك طرق والآن ثروته لا تقل عن 10 مليار
نقد فقط
الله يزيدنا وإياه من فضله
المقصود من اعتمد على ذكاء عقله وكله الله إليه

طيب هذي قمة الذكاء الله يرزق الجميع من واسع فضله

[grnas]

بارك الله فيك

[المدني]

فكرة حلوة





بس متعبة



نبي السهل

[متهور مايتوب]

ياجماعة المنتدى ياشباب بلادي ياشيبان أمتي
بلدنا بلد الخيرات كل يحسدنا عليها
وفيه فرص تجارية بالملايين
الأجنبي يجي هنا ويشتغل ليل نهار ويرجع مليونير بل بعضهم بليونير
وكفيله يرضى بالفتات
أنا لا أقول هذا حسداً لأحد ولكن نحن استسلمنا للرزق السهل
وذبحنا الكسل وعقدة الوظيفه
وغيرنا يغرف خيرات البلد غرف
دلوني على السوق
فتح الله على الجميع أبواب فضله
آآآميييييييييييييين

[متهور مايتوب]

بكرا راقبوا الصناعات الكهربائية
لا تشتري إلا بعد قناعة تامة
أنا بريء يافندم

[ibra]

الرزق بيد الله سواء في الأسهم ولا غيرها

والله يرزقنا ويرزق جميع المسلمين الروق لحلال

[جهبل]

كلها مقترحات ممتازة للشباب الا الهرافي متعبة ويبيلها اتقان ولا لو يجيها امراض راحت نسبه تحت لو لو الواحد ما يطمع بالاسهم ويكتفي باي ربح كأن عنده بقالة لربح ربح وفير بالشهري