رد: المؤشر العام بعد المجزرة الدموية ....هل انتهت ؟!
بودي اناقش مداخلة هذا العضو اخوي ابواسعد .. حتى لو صعد السوق 150 نسبه متصله ممكن الناس تشتري بعدها !!!
المهم ليس الشراء والسوق عالي او منخفض المهم الشراء والسوق في موجه صاعده لمدة اشهر
باعطيك مثال ..النقل الجماعي ..كان سعره 6.30 في القاع وجلس حول هالرقم شهرين بحيث يصعد ريال ويهبط ريال
مين شرى بهالسعر وانتظر سنه ونص حتى يدبل ..قليل
ولكن ايش رايك بالسهم عند سعر 24 الى 26
التوصيات على السهم لم تنقطع أسبوع واحد حتى وصل 41 واللي كسب وباع عند او تحت قمته دعى للي وصي كل يوم وكل حين رغم ان التوصيات جاءت بعد تدبيل السهم 4 مرات .. وعد من هالامثله كثير
القاع ليس مهم كثيرا لان القاع الصحيح لاي سهم ممل جدا فوق ما تتصور
لان الموجه تتكون من قاع وهو ثقيل طينه .. اوج يكسب المستثمر البعيد عن الشاشه .. موج مكان تطبيل المنتديات .. رقرقه تخصص أصحاب الذمم الرخيصه الذين يعدون الناس بارقام فلكيه ... ثم تصحيح
دائما لا يقنع المتداول الا مرحلة الاوج والموج مهما تنطط المحلل لانها مراحل مرئيه ومحسوسه الأثر على المحفضة
على فكرة الصعود السريع خطر على أي سهم ثقيل لانه يعد بانهيار لان الاختراق يلزمه اختبار واذا زادت أماكن الاختبار كدين هوى السهم بمن فيه
أي صعود بالنسب هذا يخص المضاربين .. والمضاربين يشترون في أي مرحله في الحياة يشترون السهم وهو بـ9 ريال مثلا ويشترون نفس السهم وهو بـ200
|