منتدي نبض السوق السعودي - عرض مشاركة واحدة

25-05-2025, 03:28 PM

اقتباس:

المشاركة الأصلية كتبت بواسطة ابوعبدالرحمن

ابو فهد

ايش وضع السوق
لا هناك اسهم خالفت الموشر

فيه اسهم خالفت المؤشر
اي سهم اخضر يعتبر المؤشر >> انته في طريق وانا في طريق اللي يودينا لبعيد بصوت خالد عبدالرحمن

نجي لاسهم تحمر للخداع فقط يعني اسعارها من 4 شهور هي هي ما تغيرت تجامل بـ2% عشان ما تلفت النظر :

ولاء
مسار
معادن
مياهنا
نماء للكيماويات
هرفي
شاكر
صدق
الخزف
الزامل
البابطين
سيسكو
مدينة المعرفه
اللجين
الاركان
سايكو
بن داود
المصافي
عذيب
برغرايزر
ابومعطي
الورق
سينومي ريتيل
اسمنت اليمامه

هذي اللي اتذكرها

السوق انتقائي وهي طبيعة كل موجة هابطه تصل القاع

انت لازم تعرف ان فيه اسهم تستبق الهبوط القوي بارتفاع من 10% & 15% عشان تقسط عليك كل جلسات الهبوط بالتقطيع عشان لا وصل المؤشر قاعه النهائي تكون المحصله فقدان 3% زياده على ايام الصعود السابقه

ولازم تعرف ان ثلث الاسهم ترتد قبل قاع المؤشر النهائي باسبوعين او شهر .. ولكن بشكل متخفي بحيث اذا وصلت قاعها النهائي او قاعها الصاعد ترتد بس بخجل شديد بحيث تكرّرّه اولاً المتعلق فيها ..ثانياً اللي ناوي يضارب فيها بمكاسب طفسه وكل 4 جلسات مره وحده

اما المتمركزين والمستثمرين فغير مرغوب فيهم وهم الخصم الاول والاهم لصانع هذا السهم المرتد

طيب متى يفلت للاعلى لا جت اي موجه صاعده متواضعه بحيث يخش وسط الاسهم الخضراء بدون لفت نظر .. ولا نزل السوق اعطاك 1% هبوط رضاوه

تبي مثال حي ==> التصنيع

عندك مثال قديم ==> سهم نماء للكيماويات قاعه 23 في اغسطس الماضي نزلة نيكاي
قاعه الثاني عند 25.30 متى في نوفمبر الماضي
قاعه الثالث عند 26.50 في مارس الماضي

كل قيعان السهم وافقت قيعان تاسي بنفس الشهر ومع كل ارتداد يعطيك احلى مكاسب من 20% لـ 30%

الان في مايو قيعان السهم عند 27

يا مسلم جلست 6 شهور ابيه يعطيني تحت 26 قال لي مش بوزك ومازال الطلب موجود ينتظر عطف مضارب السهم
لاني شاري بـ26.40 اول دفعه ..ولي 6 شهور السهم عندي مخضر ما حمر ولا دقيقه في المحفظه

عرفت ليش انا متمسك بالصعود لان عندي شركات عجزت اجمع فيها باسعار متدنيه .. لذلك عند توقف الهبوط لتاسي باضطر اشتري بسعر اعلى من سعر دخولي الاول واعتبر اللي تقضيته ذكرى عشان بس ينزل متوسطي الشرائي عن حركة وتذبذب السهم