رد: الــخـــريــــــــــطــــه
لاء انا فاهم قصدك بس احسه مركب بشكل خاطيء
باشرح لك الخطأ اولا
هوامير الاسهم اللي تحمر بشكل متواصل او بشكل مبالغ فيه لديها هدف واحد فقط .. إنتزاع السهم منك لا اكثر ولا اقل اليوم بكره بعد اسبوع بعد شهرين
لو حنا عام ٢٠٢٢ كان قلت لك هو يهرب من السهم لكن في منتصف ٢٠٢٥ هو يشتري منك السهم لو عرضته
سالفه انك بعد البيع تروح تلحق اسهم البترو هذا موضوع ثاني مالنا علاقه فيه وهو امر خاطيء جدا على المتداول لانك ما ينفع بعد صعود ٢٠% تلحق سهم ثقيل بيخفس بك وحتكون على اعصابك
اصلا منطقيا ونفسيا ما يصلح ابيع سهم جالس اتحمل نزوله سنتين وابدأ من جديد مع شيء مجهول
انا شرحت الان ربطك لنوعين من الحركه
سهم فجأه اندفع للاعلى
وسهم يهبط ٧٠٠ جلسه وتعودت على هالوضع وتاقلمت
سهم نازل فيك ٦٠% خلال سنه ونص
استغرب لما تقلق من نزول ٢% في جلسه وحده
خل ينزل ٥% في يوم وين المشكله
اي متعلق ما يتمنى ان سهمه يكمل نزوله ويضرب قاع التصحيح ويخلص
هذا عنده مشكله
وش احسن يصعد بك ١٠% ويهبد بك ١٢% ويستمر سنه بنفس الوضع
والا يخرطك ٦٠% في شهرين وينهي تصحيحه
مرارة التعليقه ليست في انخفاض الاسعار
بل استهلاك عدة سنوات وانت محجوز بخساره اكبر من ٤٠%
اذا وصلت بقيه الاجابه على باقي سؤالك تمام
والا علمني عشان اجاوبك على اللي فهمته من سؤالك
لان الاجابه ما خلصت بس شيء يدل على شي ثاني
|