المشاركة الأصلية كتبت بواسطة عراب التأمين

المحتوى المخفي لايقتبس


اتحف باللي دايما موقفه كاش...
وسلم على باقي العرب وأنت ماشي.
كلن على ما يسر الرب معتاش...
...وأنا مثل غيري على الله معاشي.
والصاحب اللي مأخذ الطيب من لاش..
هذا سبب صبري وسر أنتعاشي.
فعل جميل و وجه أبيض من الشاش..
والله كريم وباب الخير ناشي.
عين له لحاف وعين له فراش...
بيني وبينه أنسجام وتماشي.
ومن جا على لاشي يرجع على ماش..
ما أذكر في روس الضبى لي عراشي.
المجهمه ماهي بمن وضح الادباش...
والمرجله ماهي بمرشي ورأشي.
ومن لا يحوش الطيب ياعنك ما حاش...
دقو عديمين الضماير طناشي.
ومن باعنا بشوي بعناه ببلاش...
أما نصير أخوان ولا بلاشي.
ومن لا يقدر عشرة العمر ما عاش...
حلم وتبدد في مخدة فراشي.
عناية الدكتور وأجهزة الانعاش...
ما فادة اللي باع دمه بلاشي.
لولا العدل ما قام في دار الاحباش...
ما لاذو اصحاب النبي بالنجاشي.
ولولا الحسد والناس وأبليس يعتاش...
ما طار باسرار المحبين وأشي.
راحت علاقات العرب طاش ما طاش...
بعض العرب مثل بعض المواشي.
يا مدعي صدق الغلا وأنت غشاش...
لا تنتقد مشي الجمل وأنت حاشي.
يوم الكلام المختصر يبري الجاش...
أبديت ما كنيت في وسط جاشي......