رد: سماجة إستـراحيـه *ـ^
وبعد كم يوم جاء سعيدان " الاكبر من رميّان بسنتين " دخل غرفة رميّان
سعيدان : وشفيك زعلان يا رميّان ؟
رميّان : وش معنى مزة وبزرن### ؟
سعيدان : بسم الله الرحمن الرحيم وش فيك أنت على هالكلام ؟
رميّان : مابوه شيء لكن يقولونها لي أولاد كبار بالمدرسة
سعيدان : الله يشفيك بس وأنت صاكت لهم ؟
رميّان : طيب وش اسوي لهم كبآر
سعيدان : طيب بكرة بجي معك المدرسة وأشوف لهم
رميّان : طيب تعال وشوف
اليوم الثاني رآح سعيدان مع حميدان يبغى يتأكد من اللي صار .. شوي يسمع واحد يقول مزتنا جاء مزتنا جاء .. وطبعا سعيدان شآفه قال وش تبي ؟ قال وش دخلك ! قال اخوي .. قال طيب وش الغلط بكلامي قلت مزتنا جاء ؟ .. سعيدان : طيب روح عند ابوك وقوله كذا وبعدين تعال قولها عندنا
الكبير : طيب خلاص آسف
رجع سعيدان بعد ماخلص دوامه وقآبل أخوه رميّان قال هاه قالوها لك مرة ثانية ؟ قال رميّان لا خلاص ماعادوا يقولونها .. قال سعيدان الحياة تعلّم لازم تنجلد وبنفس الوقت لازم تصحح الخطأ ولا عاد تكرره .. وأي شيء من المفترض تقوله لنا مهوب قاعدن عندنا تسنك مزهرية ..
وتم تصحيح الأوضاع ورجع كل شيء لمكانه الطبيعي
طبعا شيء طبيعي أنك تخطي لكن العيب أنك ما تتعلم وتستمر ع الخطأ ..
خُتمت
الهدف من هذي الرّواية السامجة أن في هالدنيا كل واحد له نظرته كل واحد له ذوقه , وفي النهاية صدقوني محد بيرتآح مهما حصل .. الرآحة في جنّات النعيم باذن الله
اكذب عليكم لو اقول اني أبغى اكتب عشان افك عمري .. صدقوني اكتب وانا استمتع .. صحيح الرواية قصيرة .. لكن أول مرة بعمري أسوي رواية وكذا .. أعتبرهآ ناجحة نوعا ما .. ثاني شيء أتمنى أني ماكنت ثقيل عليكم رغم أني اتوقع هالشيء .. لكن اعذروني وزي ما انتم خآبرين أنا جديد على المنتديات واتمنى تتقبلوني وتسذا .. وأن شاءالله أن روايتي هذي تليق بكم رغم أني ما أتوقع هالشيء قدركم أعلى من كذا يا آهل الاستراحة ,, ثالثا إن شاءالله أن يوم الاثنين كان يوم ممتع لكم عشان موضوعي نزل .. وأتمنى لكم التوفيق جميعا
|