الــخـــريــــــــــطــــه

اسهم مضاربيا جيده باغلاق اليوم سواء عكفة ماكد او عكفة rsi او قناه صاعده وليده او شموع عاكسه حلوه
تذكر انها مضاربات لصاحب الكاش
تنفع للمتعلق اللي شال تحت ونزّل متوسطاته من فوق للنص عشان ينتبه وين يخفف بعد اسبوعين

للاسف سفرتي باقي عليها اسبوع وباختفي .. توقيت الديره اللي بروح لها متوافق مع المملكه فـ غالبا بتكون المتابعه بعد الظهر او اخر الليل

تذكر وانت تنقي من هذي الاسهم ان بعضها مخترق متوسطات ولازم يختبر فلا تطمع فيها لانك عارف الى المفروض تنزل بعد اختراق المتوسطات والبعد عنها

المشاركه القادمه

اسهم مضاربياً رائعه بدون تحديد سعر دخول ..لا شفته محمر شوي خش وخذ رزقك موجتنا بتاخذ اسبوعين وربما تتمدد يومين

اسلاك
المصافي
المتطوره
صدق
اميانتيت
اسمنت اليمامه
المنجم
لومي
الطباعه والتغليف
هرفي
لمار
الشرقيه ز
وفره
التعاونيه
تشب

احنا لسه داخل السلبيه .. وما فيه شيء مضمون
دعمنا الان 10976 ==> تحته 10937 خطيره في اثبات الهبوط ==> 10875

مقاومتنا ==> 10996 ==> 11015 نتنفس ==> 11094 ==> 11250 تسخن المضاربه وتتألق ==> 11298 ==> 11320

امس خرج 480 مليون ريال
دخول سيوله اليوم في المزاد وهي 506 مليون
تفوّق المشتري على البائع ولا عزاء للدببه

قطاع الطاقه باحتراق 4611 >> 4710 وممكن نوصل 4766 تراقب وتكون حذر عندها لين نقفل فوقها

مين راقب مزاد الاغلاق اليوم ؟
هل فيه شيء متغير عن كامل 2025 او 2024 ..ركز وتذكر من 3 العصر الى 3:10 العصر
انتظر ملاحظاتكم

يجيكم احمق .. يقول لك انت تشتري خشاش وشركات خسرانه وتصيح من وجع الخساره
اشتر اسهم عوايد توزع عشان لا تعلقت تعطيك شيء يصبرك

قل له شفت اعلان شمس وقريته بعيونك جعلها للدود
بعد ما يقراه علمه ان شمس من 15 يونيو قاع النووي صعدت 56%
واقوى يوم صعدت فيه قبل الاعلان بيوم وبعد الاعلان بيوم ...وشق جبهته

كلمة صريحه ومن الاخر عشان لو غبت وجاء اي شيء مؤثر للتخويف

خسارتك اكثر من 20%

لا تبيع الا وراس مالك حاظر امامك مهما كانت مؤثرات التشتيت والتخويف

الا في حالة سهمك دبل بشكل مبالغ فيه وجالس عند القمه وانت بعد داخل عند القمه عندها انت اللي ارتكبت خطأ فادح ومع ذلك تعدل بنزول 30% واكيد بينزل متوسطك وتقدر تخرج مع اي ارتداد قادم لسهمك المرتفع جداً