الــخـــريــــــــــطــــه

رحبوا معي بضيف جديد بالمره لاول مره يخترق المتوسطات باغلاق اسبوعي يشاهد منذ يناير 2025

مستشفى الحمادي اختراق بنجاح واغلاق اسبوعي المتوسطات الاسبوعيه عند 35.35 رقم مميز

الصبر بالسهم جاب ايجابيه على مدى متوسط

اي سهم ما اختبر ارفع وقفك معه عشان تصيده مع الهبوط

هو لازم كل سهم ما اختبر ينزل ؟؟

طبعاً بس المشكله كيف تحدد الهبوط خصوصا لو طول السهم 3 اسابيع او شهر الين ينزل او يتدرج بالهبوط ؟

هذه المدة الزمنيه لازم تعرف اكثرها صعود ام هبوط ؟
يعني السهم بيندفع للاعلى بجلسات ذات اغلاقات خضراء ==> اذا قطعا حتتغير اماكن الاختبار وتعلو شوي شوي كل اسبوع

وممكن بخباثه السهم يسير افقي عدة اسابيع ليرفع المتوسطات ويقربها من الشموع وتعلو ارقامها .. انت بحكم انه سهمك بتتابع هل هو يفرحك ام محبط لك يوم ورى يوم
الشموع الاسبوعيه وهي مرصوصه جنب بعض مع انحراف غير واضح للاعلى يفهمك ان المتوسطات تصعد بالهلل
الشموع الاسبوعيه جنب بعض اللي مسارها صاعد تفهمك ان المتوسطات تصعد بالريالات
الشموع الاسبوعيه اللي تنزل اسبوعين وتصعد اسبوعين والاسعار حول بعض في نهاية المطاف تعني المتوسط واقف في مكانه

الخوف من السهم المستعجل وعليه تطبيل ومندفع للاعلى هذا بيكسر عظمك لو نزل بتسارع ولكنه بيخلصك بسرعه من منطقة الاختبار ومع كم خبر يبدو سيء بيجمع ويرجع يعكس للاعلى وانت مستغرب ليش يسوي كذا

التحديث خير وسيله والمفروض تكتب كل رقم للمتوسطات يخص سهمك ومن تغيرات اسعار المتوسطات تعرف سهمك قوي وبيصعد ام لاء

بدء محادثات تجارية جديدة بين الصين والولايات المتحدة في كوالالمبور

تسعى الدولتان صاحبتا أكبر اقتصادين في العالم إلى تجنب المزيد من التصعيد في حرب الرسوم الجمركية المتبادلة، ومن المتوقع أن يلتقي ‎ترامب نظيره الصيني شي جينبينغ في كوريا الجنوبية الخميس المقبل

طيب خلال مسيرة اسبوعين تصعد اسهم وتدخل الباقه الذهبيه وتفشل اسهم اخرى وتعود اسفل المتوسطات بدال ما تختبرها وتصعد للاسف

اولا الاسهم اللي كانت كويسه وانتظرناها تختبر واثرها تقفل تحت متوسطاتها وتسوّد وجيهنا
( سبكيم)(سماسكو)(الابحاث)(اكسترا)(الجوف الزراعيه)(المجموعه)(باتك)(تهامه)

ثانيا اسهم دخلت المجد وتحت المتابعه من الان لاننا انتظرناها تختبر وفعلت وعادت اعلى المتوسط ااحمر لانه الاخطر والاهم :
(مهاره)(الموارد)(ام بي سي)(ايان)(التطبيقات التقنيه)(اكواباور)(مفك ريت) طوبى لاصحابها صبروا ونالوا

ساكو اخترق متوسطات عالشهري عند 32.33 باقي اسبوع على الاغلاق نتمنى يصمد ونبارك لكم ايجابيه مطلقه ويبقى الاختبارات اسبوعي وشهري

اوكيه يا حبايب .. نبي زبدة الهرج ونقلل التحليل والمصطلحات .. خاصه وان الاسهم تعطيك امل وتاخذه منك بعد اسبوعين وبعد فرحة كم يوم نرجع نقلق من تذبذب الاسهم عند القيعان

حلها هو حجم التباعد بين المتوسطات .. لانه تراكمي وينحني ببطئ فتكشف فيه خطوات صانع السهم اللي تنشط ايام وتخفت ثانيه هذا غير انه يدور في حركه مفرغه من سنه كامله وهو يرويك نفس القمم ونفس القيعان ونوبات يخطفك تحت كم يوم ليزيد من خواطرك وكوابيسك ثم يرجعك في منطقة الحيره مره ثانيه لا هو ناوي يكسر ولا هو ناوي يخترق .. هو مبرد وصابر بالاشهر على اي زاويه يضربها وانت تحس ان الزمن توقف وخسارتك تزيد بسرعه وتنقص بالقطاره .. هو احساس القاع وشعورانتزاع الاسهم بتركك لوسواسك مع حركة عقارب الساعه البطيئه والقاتله وانت تبي تحسم امرك ..والهامور يدعي انك تنهار كما انهار سهمك وتفرط فيه ولو بدفعات لان المال عديل الروح .. نرجع للتباعد الايجابي الاسبوعي والشهري ولابد تعرف انه مقسم لثلاث مستويات بينهم فواصل معقدة في ادارة المحفظه اذا كانوا معك وناوي تصبر عليهم فتره معينه لا تقل عن شهرين ونص

المستوى الاول اللي تباعده جبار وهو مخترق ومختبر وجاهز للاقلاع متى ما اهتوى صانع السهم ولكن الصعود فيك فيك حتى نراجعه بعد اسبوعين او 3 وقتها يبدأ يعكس لو ناوي غدر وهو في مكانه فتكشفه بدري وتبحث عن افضل منه

المستوى الثاني اللي مخترق بس ماكو تباعد قوي يريح ملاكتك وتهدى وتتركه يصعد في هدوء بل لابد كل اسبوع تراجع وش سوى هالنمرود لا يقلب علينا فترفع الوقف معه مع قناع بالصعود المربح

المستوى الثالث هو من يكون على منصة الاقلاع بس المنصه مغبره ومعشش حولها ثعابين وفيران وعقارب عشان يكون طول الوقت مكروه ومشكوك في اقلاعه للاعلى حتى وهو يطير ان متأكد انه بيغدر فيك لان هذا حسينوه وهذي خلاقينه وممكن بسبب سوء سمعته ..مثلا خشاش .. خسران .. يحبي كالسلحفاة من طلعت الدنيا وهو اصلا متخذ مظاهر وقناع ليخفي ماهو مقدم عليه ..يعني كويس بس تدخله بشروط محدده وهي ارقام فاصله بين الحق والباطل بين السلب والكرم بين المرض والعافيه

اذا قدرت تتعامل مع المستويات الثلاث كل مجموعه لها اداره محفظه ولها طريقه في تجميع الدفعات حتى في توقع الصعود كل مجموعه تتخذ زمن محدد والاهم لا تطبيل وهو ثابت وارجاف بعد ما يعطي بسرعه وشوية اكشنة محيطه وصداع رؤوس وسجالات عشان تضل مهزوز وانت تملكه وربحان بعد بس كذا بيكون السيناريو